Byna 2,000 jaar gelede het Jesus Christus, die Seun van God, aarde toe gekom en 'n wonderlike toekoms geprofeeer vir die mensdom ná 'n intense tydperk van aardskuddende rampe.

Sy boodskap, wat "die evangelie" genoem word, beteken "goeie nuus" — die baie goeie nuus wat die wêreld desperaat nodig het.

Maar wat presies is hierdie goeie nuus (evangelie) wat Jesus Christus verkondig het? Is dit net 'n wonderlike verhaal oor Jesus Christus se geboorte, lewe, aktiwiteite, dood en opstanding? Dit is beslis 'n integrale deel van die goeie nuus van God se plan vir die mensdom (Markus 1:1). Maar daar is soveel meer aan Sy boodskap!

Die dieper en baie meer omvattende boodskap wat Jesus geleer het, word selde gehoor. Dit is beslis goeie nuus—die wonderlikste nuus wat hierdie moeë wêreld, vol beroeringe, kan hoor. Dit behels huidige nuus en aangeleenthede, geskiedenis en profesieë, wet, genade en hoop vir die hele mensdom. Dit het betrekking op die lewe en dood, die aarde, hemel en meer.

U moet weet en verstaan wat Jesus gesê het!