Die Bybel is lank aanvaar as 'n ware en betroubare weergawe van ons herkoms. Maar toe het Darwin se evolusieteorie die wêreld stormenderhand verower, met voorspelbare en tragiese gevolge-’n bewys dat wat ons glo wel saak maak.

Vreemd genoeg is ons bestaan as mense een van die beste argumente daarteen. Volgens evolusionêre teorie word die eienskappe wat die grootste voordeel vir oorlewing bied, van geslag tot geslag oorgedra. Tog argumenteer menslike voortplanting self kragtig teen hierdie fundamentele uitgangspunt van evolusie.

As mense die toppunt van die evolusionêre proses is, hoe is dit dan dat ons die nadeel het dat 'n lid van die teenoorgestelde geslag nodig is om voort te plant, wanneer laer vorme van lewe-soos bakterieë, virusse en protosoë-seksloos en ver meer produktief is? As hulle deur baie eenvoudiger metodes kan reproduseer, hoekom kan ons nie? As evolusie waar is, wat het verkeerd geloop? 

En hoe het 'n voortplantingstelsel ontwikkel, aangesien die mislukking daarvan 'n onmiddellike einde aan die evolusionêre proses sou maak?

As God die mens geskape het, het ons geen reg om Hom te ignoreer nie. As die mens God geskape het, kan ons Hom maklik ignoreer. Wat die mens gemaak het, kan hy mee wegdoen. In daardie geval is ons vry om op te tree asof God nie bestaan nie, vry om die Bybel te verwerp, vry om self te bepaal wat reg en verkeerd is en hoe ons sal kies om te lewe.

In hierdie boekie ondersoek ons die grondliggende uitgangspunte van evolusie. Ons beskou die bewyse wat evolusioniste aanhaal om hierdie teorie te ondersteun. Miskien die belangrikste, kyk ons na die wetenskaplike feite wat evolusioniste nie in die openbaar bespreek nie-en die redes sal duidelik word.

U kan weet of evolusie waar is. Neem die tyd om die bewyse noukeurig te ondersoek.

Dit maak saak wat u glo.