Geplaas op 29 April 2020 deur Justin Palm Geskatte leestyd: 9 minute
Gebeurtenisse soos die coronavirus-pandemie wys hoe vinnig die wêreld kan verander! Jesus het voorspel dat eindtydgebeurtenisse die wêreld onkant sal vang. Maar u kan nou voorberei.
Ondanks al die slegte nuus rondom ons, het Jesus in Lukas 21:31 gesê dat ons vertroos kan wees deur te weet dat die koninkryk van God net om die draai is. Daar is nog hoop! Aan die einde van die tonnel is daar lig.
Baie dinge raak verlore in die geskiedenis. Ons lees wat ons kan, bestudeer die geskiedenisboeke, kyk na die dokumentêre programme, stel die regte vrae van diegene wat deur die geskiedenis geleef het, en probeer die hoofstukke verstaan wat voor ons geboorte geskryf is. Maar ons kan net nie alles weet nie. Sommige, of die meeste groot gebeurtenisse, ja, maar nie al die dinge tussenin nie. En soms vat selfs langer as wat ons wil oms die groot goed te leer. Ek het eers op die ouderdom van 17 jaar van die Spaanse griep-pandemie in 1918 geleer . Ek was geskok oor die verbysterende dodetal en die dinge wat in Amerika gedurende daardie mal en hartseer tyd gebeur het. Die lyke het opgestapel. Die dra van maskers. Die hospitale wat oorskry is. Die samelewing verander. En ek het myself afgevra waarom ek nog nie vantevore daarvan gehoor het nie.
Wat kan ons leer uit ander tye in die geskiedenis toe wêreldomstandighede vinnig verander het? En werp Bybelprofesie die lig op wat vandag aangaan? Een ding wat nie uitgebeeld is in die geskiedenis nie, is die tydsberekening van gebeure - hoe stadig of vinnig toestande ontwikkel het. Soms is daar 'n stadige opbou van gebeure wat lei tot 'n keerpunt en dan stort als in duie. Dink aan Rome. Ander kere gebeur dinge vinnig - regtig vinnig - soos 'n tapyt wat onder ons uitgetrek word. Dink aan 9/11 in Amerika. Die gekaapte vliegtuie het letterlik uit 'n helder blou lug gekom.
