Baie welkom by die United Church of God - Suid-Afrika.
Wat Om te Verwag
In die Bybel beteken die woord "kerk" nie die gebou, die leier of die vermaak nie. "Kerk" beteken vergadering. Die Kerk is die mense —'n liggaam van gelowiges. Ons is 'n Kerk wat toegewyd is om die wil van God te leer en te doen.
Ons gemeentes verskil in grootte. Ons kom van allerlei agtergronde, maar deel 'n visie - om die Evangelie te verkondig en 'n volk voor te berei.
Ons Sabbatsdienste is Bybelgesentreerd en daar word direk uit die Woord van God geleer. U sal 'n leraar vind wat uit die Bybel onderrig en persoonlike berading aanbied.
Jesus Christus openbaar God die Vader
Jesus se offer en opstanding maak u ewige lewe moontlik. Hy het gekom om die Vader te openbaar. God is 'n persoonlike wese van allerhoogste liefde wat wil hê dat u vir ewig deel van Sy familie moet wees!
Ons bestudeer en glo die hele Bybel
Ons glo dat die hele Bybel God se volledige boodskap aan die mensdom verteenwoordig. Die hele Skrif - beide Ou en Nuwe Testamente - is belangrik (2 Timoteus 3:16) en God se Woord is lewend en gesaghebbend vir alle Christene. Die uitdaging vir elke gelowige is om God se Woord te verstaan en toe te pas in die beoogde konteks.
Gemeentes
Ons het gemeentes regoor Suid-Afrika wat op die Bybelse (Saterdag) Sabbat aanbid. Soek 'n gemeente in u omgewing en praat met 'n leraar.
Bring u Bybel en lees saam met ons
Ons moedig almal aan om 'n Bybel saam te bring en te volg.
Ons open en sluit ons dienste met gebed
Ons soek God se leiding in alles wat ons doen - veral om Hom te aanbid! Die gemeente word eerstens in 'n kort gebed gelei en vra vir God se leiding en inspirasie vir die diens.
Ons aanbid God met musiek en sang
Ons dienste sluit geleenthede in vir die sing van Christelike lofsange en musiek. Musikante in die gemeente voer dikwels vokale of instrumentele keuses uit tot eer van God.
Ons preek direk uit die Bybel
Ons bied gewoonlik twee Bybelgerigte boodskappe in elke diens aan wat wys hoe om God se lewenswyse te leef.
Die eerste boodskap is ongeveer 15 minute lank, gevolg deur 'n preek wat tot 'n uur duur.
Ons bied spesiale Bybelklasse vir kinders en tieners aan
Baie gemeentes het vrywilligers wat Christelike beginsels onderrig in 'n prettige en interaktiewe omgewing. Ons bied ook aanlyn werkboeke en studiegidse vir kinders en tieners aan.
Kom neem deel aan ons familiegerigte gemeenskap en aanbidding
Alhoewel baie gemeentes klasse vir tieners en kinders hou, het ons nie 'n aparte diens vir hulle nie. Ons moedig die hele gesin aan om saam van God te leer en Hom te aanbid.
Saam eet is 'n goeie manier om ander te leer ken en die Sabbat te geniet. Die meeste gemeentes deel peuselhappies of selfs maaltye voor of na die dienste.
Baie gemeentes bied sosiale geleenthede aan. Die Kerk is 'n gesin en gesinne groei wanneer hulle saam kuier.
Studiemateriaal om u nader aan God te bring
Die United Church of God is die uitgewer van Beyond Today, 'n opvoedkundige tydskrif wat 'n verskeidenheid Bybelse onderwerpe aanspreek, asook baie ander studiemateriaal om u te help om u lewe te verbeter en meer te wete te kom oor u Skepper. Die Kerk bied ook 'n informatiewe weeklikse televisieprogram aan.
Kyk na ons studiehulpmiddels aanlyn
Ambassador Bybelkollege
Ambassador Bybelkollege bied 'n Bybelstudie program vir nege maande by ons hoofkantoor in Cincinnati, Ohio aan. U kan ook na ABC-klasse aanlyn luister.
Leer meer oor Ambassador Bybelkollege
Ons gemeenskapsdiens
Ons werk saam met LifeNets International om studiebeurse aan te bied aan jong mense in ontwikkelende lande en om verligting te bied vir gebiede wat deur natuurrampe getref word.
Ons glo dat God 'n gesin bou. Hy wil hê dat die hele mensdom - u insluitend- deel moet wees van daardie familie.
Ons is daartoe verbind om die ware Bybelse Christendom te herower en te beoefen en om God se ontsagwekkende plan met die wêreld te deel. Ons streef daarna om dieselfde leringe, leerstellings en praktyke van die vroeë Kerk te volg.
Ons geskiedenis
Die United Church of God het op grond van twee missies begin:
1) Om mense te vertel van God se ongelooflike plan en
2) om seker te maak dat gemeentes en leraars beskikbaar is om mense op hul Christelike reis te help.
Ons streef elke dag om hierdie twee missies te vervul.
Lees meer oor die geskiedenis van die United Church of God.
